Таза Қазақстан

       Қызылорда облысы Шиелі ауданы Сулутөбе ауылы 41 М. Шоқай атындағы орта мектебінің 9-10 сынып оқушылары “Таза Қазақстан” экоакциясына қатысты.
Еліміздің болашағы – білімді, еңбекқор, табиғатқа жанашыр және жаңашыл ұрпақтың қолында. Осы құндылықтарды жас буынның бойына сіңіруде «Таза Қазақстан» бастамасының маңызы ерекше. Бұл – айналаны таза ұстауға бағытталған шара ғана емес, ғылым мен білімді, еңбек пен жасампаздықты өзара ұштастыратын тәрбиелік бағыт.
      «Таза Қазақстан» аясында білім алушыларды еңбекке баулу, экологиялық мәдениетін қалыптастыру, ғылымға және жаңашылдыққа қызығушылығын арттыру бағытында жүйелі жұмыстар жүргізілуде. Оқушылар қоршаған ортаны абаттандыру мен көгалдандыруға қатысып, өсімдіктерді күтіп-баптау, табиғи ресурстарды тиімді пайдалану, қалдықтарды сұрыптау және қайта өңдеу жөніндегі білімдерін тәжірибемен ұштастыруда.
       Әрбір атқарылған жұмыстың ғылыми-танымдық маңызына да ерекше көңіл бөлінеді. Мәселен, өсімдіктің өсуіне топырақ құрамының әсерін бақылау, органикалық қалдықтарды тиімді пайдалану, суды үнемдеу жолдарын қарастыру секілді жұмыстар оқушылардың зерттеушілік қабілетін дамытуға мүмкіндік береді. Бала өз қолымен жасаған еңбегінің нәтижесін көрген кезде табиғатты қорғаудың маңызын тереңірек түсінеді.
       Тазалық пен еңбек – бір-бірімен тығыз байланысты ұғымдар. Өз ауласын, мектебін, туған жерін таза ұстауға атсалысқан жас ұрпақ ортақ іске жауапкершілікпен қарауды үйренеді. Ал ғылым мен жаңашылдық сол еңбектің тиімді әрі нәтижелі болуына жол ашады.
Бүгінгі таңда экологиялық мәселелерді шешуде жаңа технологиялар мен тың идеялардың рөлі артып келеді. Сондықтан оқушыларды тек тазалық жұмыстарына қатыстырып қана қоймай, оларды экологиялық мәселелердің шешімін іздеуге, ғылыми жобалар жасауға, жаңа бастамалар ұсынуға ынталандыру маңызды.
       «Таза Қазақстан» – туған жерге деген жанашырлықтың, адал еңбектің және азаматтық жауапкершіліктің көрінісі. Тазалықты ғылыммен, жаңашылдықты еңбекпен, білімді тәжірибемен ұштастыра білсек, жас ұрпақтың бойында жасампаздық мәдениеті қалыптасады.
Таза орта қалыптастыру – бір күндік науқан емес, күнделікті өмір салты. Табиғатқа қамқорлық жасап, адал еңбек етіп, жаңашылдыққа ұмтылған ұрпақ – Таза Қазақстанның жарқын болашағы.